🏛 Тошкент шаҳар Кенгашининг мазкур сессияси кун тартибига киритилган: 🔺 2030-йилга қадар Ўзбекистон Республикасида гендер тенглигига эришиш стратегиясини 2026-йилда амалга ошириш бўйича Тошкент шаҳар комплекс чора-тадбирлар дастурини тасдиқлаш ҳақида; 🔺 Тошкент шаҳрида ёшларга оид давлат сиёсатининг амалга оширилишини, хусусан «Ёшларга оид давлат сиёсати тўғрисида»ги Қонун ижроси таъминланиши ҳолатини ўрганиш ва натижаларини муҳокама қилиш; 🔺 Тошкент шаҳар Спорт бошқармаси томонидан 2025-йилда амалга оширилган ишлари ҳамда 2026-йилдаги устувор вазифалари тўғрисида; 🔺 Тошкент шаҳар Ободонлаштириш бош бошқармасининг 2025-йил давомида амалга оширилган ишлари ҳамда 2026-йилдаги устувор режалари тўғрисида; 🔺 Тошкент шаҳрида жисмоний ва юридик шахслар томонидан йўллар, йўлаклар ва бошқа йўл инфратузилмаси объектлари, шунингдек, муҳандислик-коммуникация ва алоқа тармоқларида қурилиш ишларини олиб бориш, йўл объектини ҳар қандай кўринишда таъмирлаш, бузиш, қазиш, ўзгартириш ёки реконструкция қилишга рухсатнома бериш тартиби ва тўлов миқдорини тасдиқлаш тўғрисида; 🔺 Ўзбекистон Республикаси Олий Мажлисининг Бола ҳуқуқлари бўйича вакили (Болалар омбудсмани) минтақавий вакилининг ҳудудда бола ҳуқуқлари, эркинликлари ва қонуний манфаатларини ҳимоя қилиш ҳолати тўғрисидаги маърузасини эшитиш тўғрисида; 🔺 Тошкент шаҳрида оқар сув ресурсларидан фойдаланишни тартибга солиш чора-тадбирлари тўғрисида; 🔺 Халқ депутатлари Тошкент шаҳар Кенгаши депутатлари томонидан 2026-йилнинг I чораги давомида ўз фаолияти юзасидан сайловчилар олдида ахборот беришнинг режа-жадвалини тасдиқлаш тўғрисида; 🔺 Тошкент шаҳрида соддалаштирилган тартибда амалга ошириладиган давлат-хусусий шериклик лойиҳаларининг манзилли рўйхатини тасдиқлаш тўғрисида; 🔺 Тошкент шаҳар маҳаллий бюджетининг 2026-йилдаги қўшимча манбаларини харажатларга йўналтириш тўғрисидаги ва бошқа масалалар бўйича тегишли ташкилот раҳбарларининг ҳисобот ва ахборотлари депутатлар томонидан сессияда кўриб чиқилиши режалаштирилмоқда.