Тошкент шаҳрида ёзги соғломлаштириш майдончалари фаолияти бошланди

Азиз ота-оналар ва ўқувчилар!

🧠 Тошкент шаҳрининг 12 та туманидаги 47 та умумтаълим муассасасида «Ёзги соғломлаштириш» майдончалари ўз фаолиятини бошлади. ☀️ Мазкур майдончаларда ўқувчиларнинг ёзги таътилини мазмунли ташкил этиш, бўш вақтини самарали ўтказиш, ижодий, интеллектуал ва спорт қобилиятларини ривожлантириш учун зарур шароитлар яратилган.

🤖 Ота-оналар учун қўшимча қулайлик яратиш мақсадида Тошкент шаҳар мактабгача ва мактаб таълими бошқармаси томонидан @yozgimaydoncha_bot ишга туширилди.

Бот орқали: ➡️ ёзги соғломлаштириш майдончалари ҳақида маълумот олиш; ➡️ майдончалар жойлашуви билан танишиш; ➡️ фаолият йўналишлари ва машғулотлар ҳақида билиш; ➡️ зарур маълумотларни тезкор ва қулай тарзда олиш мумкин.

🤖 Фарзандингизнинг ёзги таътилини мазмунли, фойдали ва қизиқарли ташкил этиш учун @yozgimaydoncha_bot хизматидан фойдаланинг.