Anhor bo‘yidagi choyxona 1956-yilda me’mor V.M. Dmitriyev loyihasi asosida qurilgan va O‘zbekistonning moddiy madaniy meros obyektlari ro‘yxatiga kiritilgan. Ko‘p toshkentliklar choyxonaga tashrif buyurishgan — ayniqsa, yoz jaziramasida suv ustida o‘tirish juda yoqimli edi.

Kafe XIX asrning birinchi yarmida qurilgan sobiq Qo‘qon qal’asi — O‘rda o‘rnida joylashgan. Kafe yonidagi Anhor ustidan o‘tgan ko‘prik XIX asr oxiri — XX asr boshida eski shaharni ruslar yashaydigan yangi shahar bilan bog‘lagan.

Kafe binosi milliy elementlar asosida loyihalashtirilgan, ammo bir necha bor rekonstruksiya qilingan. Shunday qilib, 1979-yilda kafe kengaytirilib, yoniga yangi binolar qurildi va u 280 o‘rinli yozgi hamda qishki ikki zalga ega bo‘ldi.

2012–2014-yillarda Anhor qirg‘og‘ini rekonstruksiya qilish vaqtida 1979-yilda qurilgan qo‘shimcha binolarning bir qismi buzib tashlandi. O‘sha paytda kafe yonida ko‘p qavatli uy qurilishi boshlandi. Toshkentliklarning noroziligidan so‘ng, 2023-yilda qurilish ishlari to‘xtatildi va bino buzib tashlandi.