TTZ-2 mavzesida kengaytirilgan perronga ega yangi bekat ish boshlamoqda. Endilikda bu yerda hatto tig‘iz vaqtlarda ham kenglik va shinamlik ta’minlangan, biroq bu hali hammasi emas.

Yaqin vaqt ichida bekat haqiqiy texnologik markazga aylanadi. Bu yerda quyidagilar paydo bo‘ladi:

— Avtobuslar kelish jadvalini ko‘rsatuvchi elektron tablo;

— Kuzatuv kameralari va «112» shoshilinch chaqiruv tugmasi;

— Vending apparatlari.

Lekin eng asosiysi — bu ishlar ko‘lami. Ayni damda Buyuk Ipak Yo‘li ko‘chasining metro bekatidan to TTZ mavzesigacha bo‘lgan butun masofasida katta renovatsiya ishlari ketmoqda. Biz eski bekatlarni zamonaviylariga almashtirmoqdamiz hamda kilometrlab yangi va tekis trotuarlar yotqizyapmiz. Maqsadimiz — deyarli butun tuman bo‘ylab yagona va qulay piyodalar yo‘nalishini yaratishdir. ✨