Sobiq Respublika iste’mol kooperatsiyasi uyi («O‘zbekbirlashuv») binosi 1974 yilda qurilgan. Majmua Ukrainadan kelgan me’morlar — F. Borovik, L. Kleymenov, Yu. Repin, L. Adamov va O. Rushkovskiy tomonidan loyihalashtirilgan; konstruktorlar A. Kosoy, M. Medvedev, I. Onishchenko, Ye. Labinova, Yu. Golovchenko, B. Jitomirskiy, O. Zgurskiy, Ye. Marder, E. Xizenko va N. Sapak bo‘lgan.
«O‘zbekbirlashuv» binosi Islom Karimov prospektining (sobiq O‘zbekiston prospekti) janubiy tomonidagi baland qavatli inshootlar qatoridagi birinchisi bo‘lib, poytaxt markazidan kelganlarni birinchi bo‘lib kutib olgan.
Bino 15 qavatli ko‘k-yashil rangda bo‘lib, milliy uslubdagi ko‘k naqsh bilan bezatilgan silindr bilan muvaffaqiyatli uyg‘unlashgan; silindr ostida keng majlislar zali joylashgan edi. Kompozitsiya shunchalik ifodali ediki, bino va majlislar zalining silindrik yakuniy qismi fotosuratlari Toshkent haqidagi ochiq xatlar va fotoalbomlar to‘plamlariga kiritilgan. Shahar aholisi orasida majmuada joylashgan «Kooperator» restorani ham mashhur edi.
Ikki marta rekonstruksiya qilingandan so‘ng, Davlat
boshqaruvi akademiyasi joylashgan bino o‘zining dastlabki brut shaklini
yo‘qotdi: fasadlari oq alyukobond va ko‘k shisha bilan qoplandi. Faqat
inshootning silueti hali ham dastlabki me’morchilik g‘oyasini eslatadi.
2025 yil may oyida Davlat boshqaruvi akademiyasi
Prezident qoshidagi Davlat siyosati va boshqaruv akademiyasiga aylantirildi.
Narcomzem (Xalq yer ishlar komissarligi) binosi Zarafshon koʻchasida (ilgari — Irjar, Kirov, Atatyu...
Ko‘kaldosh madrasasi yonidagi uchta firuza rangli gumbaz uzoqdan ham ko‘zga tashlanadi va Toshkentn...
Toshkent sirki binosi — shahardagi eng chiroyli binolardan biri. U qadimiy maydon ustida suzayotgan...
Zarkaynar va Gulbazar koʻchalari kesishmasidagi teatrning chiroyli, oʻziga xos binosi 1927-yilda qu...