FVV vazirining birinchi o‘rinbosari, Toshkent shahar FVBB boshlig‘i birinchi o‘rinbosari hamda Chilonzor tumani FVB rahbariyati ishtirokida Bunyodkor shoh ko‘chasida joylashgan “OLTIN MARKAZI” ko‘ngilochar savdo markazida favqulodda vaziyatlar va yong‘in sodir bo‘lishi mumkin bo‘lgan holatlarda fuqarolar hamda ishchi-xodimlarni tezkor, tartibli va xavfsiz tarzda evakuatsiya qilish bo‘yicha o‘quv-amaliy mashg‘ulotlar o‘tkazildi.

O‘quv mashg‘ulotlari jarayonida shartli favqulodda vaziyat va yong‘in holati modellashtirilib, evakuatsiya jarayonining barcha bosqichlari amaliyotda sinovdan o‘tkazildi.

Mazkur o‘quv-amaliy mashg‘ulotlar aholi xavfsizligini ta’minlash, favqulodda vaziyatlarning oldini olish hamda ularning salbiy oqibatlarini kamaytirishga qaratilgan muhim profilaktik tadbir hisoblanadi.