Mustaqillik maydoni asosiy koʻrinishini 1966-yilgi zilziladan keyin oldi — sobiq Qizil maydon oʻlchami uch baravardan koʻproq kengaytirildi. Ammo oʻzgarishlar zilziladan oldinroq boshlangan edi: 1965-yilda oʻsha davr uchun zamonaviy Vazirlar Soveti binosi qurilishi boshlandi, bino V-shaklidagi tayanchlar ustida yerda koʻtarilgan edi.

1970-yilda toʻrtburchak quyoshdan himoya panjarasi bilan bezatilgan baland “vazirliklar uyi” qurilishi boshlandi. Unga yonma-yon “Iskra” kinoteatri (tekis gorizontal kompozitsiya) qurilgan edi.

Paradlar xiyoboni va Lenin maydonining meʼmorlari (Ye. Rozanov, B. Mezentsev, B. Zaritskiy, V. Shestopalov, A. Yakushev va L. Adamov; muhandislar V. Krichevskiy, T. Melik-Arakelyan, N. Nikitin, Yu. Kozel, A. Kolotiyev va Z. Muftaxov) sobiq Ittifoqning eng katta maydonlaridan birini yaratdilar — favvoralar, gulzorlar va xiyobonlar bilan.

XXI asr boshida Mustaqillik maydonining koʻrinishi oʻzgartirildi: paradlar uchun keng yoʻl toraytirildi, uning bir qismi yashil maydonlarga aylantirildi, vazirliklar baland binosi 6 qavatga “qisqartirildi”, panjara oʻrniga alyukobond va qorongʻi oyna paydo boʻldi.

Vazirlar Mahkamasining brutal binosi 1999-yil 16-fevral voqealarida zarar koʻrdi, rekonstruksiya vaqtida tayanchlar yopildi va oltin rangli shisha bilan qoplandi — meʼmorlarning dastlabki gʻoyasi oʻtmishda qoldi.