- Тошкентдан гапирамиз
- 14.02.2026, 11:10
Ҳар жиҳатда уйғунлик — замонавий шаҳар қиёфаси
Шовқин-сурон ҳеч кимга ёқмайди. Бироқ, товушли шовқиндан ташқари, визуал — ахборот ва ёруғлик шовқини ҳам мавжуд. У сезилмай таъсир кўрсатса-да, ундан кам чарчатмайди: кўзни толиқтиради, асабийлаштиради, тартибсизлик ҳиссини уйғотади.
Шаҳарда тартиб, услуб ва қулайликни сақлаб қолиш учун нафақат янги бинолар қуриш, балки мавжуд иншоотларни ҳам тизимли равишда тартибга солиш муҳимдир.
2024-йилдаёқ ҳокимлик кўчаларда тартибсиз ўрнатилган LED-экранлар ва ахборот панеллари ёрқинлигини аниқлаш ва камайтириш бўйича чора-тадбирларни бошлаган эди. Айниқса, тунги вақтда ёритиш меъёрларига риоя қилиш, чироқлар аҳолига халақит бермаслиги ва ҳайдовчиларни чалғитмаслиги жуда муҳим.
Айнан шу сабабли ташқи конструкциялар — пешлавҳалар, таблолар, инсталляцияларни жойлаштириш тартиби жорий этилди. Бу қуйидагиларни ўз ичига олади:
- ўлчамларга аниқ талаблар,
- безак ва элементларнинг ягона услуби,
- қатъий белгиланган ўрнатиш жойлари,
- рухсат берувчи ҳужжатларнинг мажбурий мавжудлиги.
Шунингдек, ҳокимлик ваколатли органлар билан келишилмаган ва рўйхатдан ўтказилмаган вақтинчалик ва ўзбошимчалик билан қурилган конструкцияларни бартараф этиш бўйича доимий ишлар олиб бормоқда.
«Ўзбошимчалик билан эгаллаб олиш»: шлагбаумлар, тўсиқлар ўрнатиш, яшил ва жамоат жойларида тўхташ жойларини, ноқонуний жиҳозлашга алоҳида эътибор қаратилмоқда. Бундай ҳаракатлар ободонлаштириш қоидаларини ва шаҳар қиёфасини бузади.
Биз шаҳарни тозароқ, замонавийроқ ва қулайроқ қилмоқдамиз. Ҳар бир саранжом жиҳат — яшаш, ишлаш ва фахрланиш истаги уйғотадиган пойтахт қиёфасига қўшилган ҳиссадур.
Шундай экан, келинг, биргаликда шаҳримизни янада обод қилайлик!

Юзага келиши мумкин бўлган вақтинчалик ноқулайликлар учун аҳоли ва ҳайдовчилардан узр сўраймиз ҳамда тушунганингиз учун ...

✨ Бизни кузатишда давом этинг. Туман ҳокимининг жойлардаги ўрганишлари ҳақида маълумотлар бериб борамиз.

👨⚕️Санитария-эпидемиология қўмитаси мутахассислари ва экология соҳасидаги ваколатли органлар билан ҳамкорликда белги...

Бугун Халқ депутатлари Тошкент шаҳар Кенгашининг навбатдаги — йигирманчи сессияси ўтказилди. Сессияда пойтахт ҳаёти ва б...